Nú er búið að opna eitt stærsta pandórubox sögunnar. DOGE-apparat Elons Musk hefur flett ofan af misferli af áður óséðri stærðargráðu, með því að fara í gegnum bókhald USAID, stofnunar sem fékk rífleg framlög af fjárlögum bandaríska ríkisins.
Allt bendir til þess að flestir hefðbundnir fjölmiðlar á Vesturlöndum hafi beint eða óbeint fengið ómælda fjármuni frá stofnuninni. Kannski er það ástæðan fyrir því að lítið er fjallað um málið hér á landi. Tilburðir til ritskoðunar voru líka fjármagnaðir með þessu fyrirbæri, „til að koma í veg fyrir upplýsingaóreiðu“.
Af mörgu er að taka. Ýmislegt bendir til þess að USAID og NIAID (embætti sóttvarnalæknisins Anthony Fauci) hafi beint eða óbeint veitt peningum til EcoHealth Alliance, sem aftur hafði veg og vanda af rannsóknarstofunni í Wuhan, þar sem rannsakað var hvernig hægt væri að auka virkni veirunnar sem slapp nákvæmlega á þeim slóðum og olli dauða tugmilljóna manna um víða veröld. Vísbendingar eru um að Ben Hu, sem vann við rannsóknirnar og var einn fyrsti Covid-sjúklingurinn, hafi sjálfur fengið 40 milljónir dollara frá USAID og NIAID. Kannski er ástæða til þess að skoða tengsl við lyfjafyrirtæki sem rökuðu inn milljörðum dollara á bóluefni sem hvorki kom í veg fyrir smit né veikindi, en olli heilsutjóni hjá milljónum manna?
Og hvað með lífefnavopnarannsóknarstofurnar í Úkraínu sem Fauci (maðurinn sem stýrði Covid-frelsissviptingu heimsins) færði þangað – og til Wuhan – þegar honum var bannað að hafa þær í Bandaríkjunum?
Hér er ekki pláss fyrir frekari upptalningu. Svo virðist sem þúsundum milljarða bandarískra dollara hafi verið veitt á hverju ári til nets „non-governmental“ samtaka (NGO) úti um allan heim, sem unnið hafa að framgangi vókisma og róttækrar hugmyndafræði til vinstri. Af hverju finnst íslenskum fjölmiðlum það ekki fréttnæmt? Svari því hver fyrir sig.
