Þann 3. september síðastliðinn hnekkti Evrópudómstóllinn niðurstöðu Almenna dómstóls Evrópusambandsins í máli Illumina/Grail, sem snerist um heimildir samkeppnisyfirvalda til íhlutunar vegna yfirtöku á nýsköpunarfyrirtæki. Dómurinn og tengd lagaþróun hafa mikla þýðingu þegar kemur að kaupum á nýsköpunarfyrirtækjum sem uppfylla ekki veltuviðmið tilkynningarskyldu til samkeppnisyfirvalda, hvort sem er hér á landi eða annars staðar í heiminum.