Í pistli undirritaðs sem birtist í Viðskiptablaðinu þann 5.maí 2022 (Fyrsta bylgjan er hafin) var til umræðu að Ísland væri enn sem komið er í skjóli frá verðbólguskvettunni sem evrópska orkukreppan hafði þá þegar valdið beggja vegna Atlantshafsins. Óumflýjanleg hækkun á matvælaverði myndi hins vegar fylgja í kjölfarið. Þar yrði Ísland á sama báti og aðrar þjóðir heims. Þessar ríflega ársgömlu vangaveltur hafa nú því miður gengið eftir.