Ásgeir Jónsson, seðlabankastjóri, sendi smásölukeðjunum kaldar kveðjur í kjölfar síðustu vaxtaákvörðunar bankans. Á kynningarfundi um ákvörðunina lýsti Ásgeir yfir vonbrigðum með að lækkun á heimsmarkaðsverði á olíu hefði ekki skilað sér í verðlækkunum á eldsneyti hér á landi. Hann sagði að það virtist jafnvel eins og um sameiginlegt „átak“ hefði verið að ræða hjá sumum fyrirtækjum til að hækka vöruverð nú á vormánuðum.