Í ágúst opnaði Vegagerðin göngustíg í Mosfellsbæ. Göngustígurinn er heilir 1.700 metrar og lagning hans slíkt þrekvirki og merkisatburður í samgöngumálum á Íslandi að efnt var til mikillar hátíðar við vígslu hans.
Sigurður Ingi Jóhannsson innviðaráðherra, Bergþóra Þorkelsdóttir, forstjóri Vegagerðarinnar, Davíð Þorláksson, framkvæmdastjóri Betri samgangna ohf. og Halla Karen Kristjánsdóttir, formaður bæjarráðs Mosfellsbæ, ávörpuðu þann mikla mannfjölda sem safnaðist saman við það tækifæri.
Ekki var heldur skortur á viðveru mikilvægustu einstaklingum íslensks samtíma þegar átakið göngum í skólann var ýtt úr vör. Nemendur í Melaskóla vöknuðu upp við vondan draum við upphaf átaks um að þeir labbi í skólann. Þrír ráðherrar, hvorki meira né minna, ávörpuðu grunnskólanemendur og hvöttu þá til að labba í skólann:
Það voruþeir Ásmundur Einar Daðason barnamálaráðherra, Willum Þór Þórsson heilbrigðisráðherra og Sigurður Ingi Jóhannsson innviðaráðherra.
Skipuleggjendum var ljóst að þetta var nemendum ekki nóg hvatning þannig að Sigríður Björk Guðjónsdóttir ríkislögreglustjóri og Jón Gunnar Jónsson, forstjóri Samgöngustofu, voru líka kölluð til. Athöfnin hófst miðvikudaginn 7. september og lauk föstudaginn 9. mars.
Huginn og Muninn gera upp árið í Áramótum, tímariti Viðskiptablaðsins og Frjálsrar verslunar. Áskrifendur geta lesið blaðið hér.
