Samtök iðnaðarins birtu fyrr í mánuðinum áhugaverða úttekt á þróun fasteignaskatta á atvinnuhúsnæði undanfarinn áratug. Við blasir að á næsta ári leggi sveitarfélög landsins samtals tæplega 39 milljarða skatt á húsnæði fyrirtækja. Það verður 50% hærri skattur að raunvirði en fyrir 10 árum. Álagningin er mun hærri, miðað við hlutfall af landsframleiðslu, en í hinum norrænu ríkjunum.