Í umhverfi hárra vaxta, þrálátrar verðbólgu og óvissu sem í ofan á lag bætist vegna lausra kjarasamninga er ekki hlaupið að því að gera áætlanir til lengri tíma. Í stöðunni eru þó nokkrir fastar. Til dæmis er Seðlabankinn fyrirsjáanlegur að því leyti að honum ber skylda til að beita stýritækjum sínum til að færa verðbólguna að 2,5% verðbólgumarkmiði bankans svo fljótt sem auðið er ef hún víkur umtalsvert frá markmiðinu.