Stjórnskipun lýðveldisins Íslands virðist vera öðruvísi en annars staðar í utanríkisráðuneyti Þórdísar Kolbrúnar Reykfjörð Gylfadóttur sem flestir eru sammála um að sé stærsta nafnið í íslenskum stjórnmálum í dag á eftir Arndísi Önnu Kristínardóttur Gunnarsdóttur.
Þannig lásu hrafnarnir í Heimildinni að það hafi verið ráðuneytið sjálft en ekki Þórdís utanríkisráðherra sem ber ábyrgð á færslu á samfélagsmiðlum þar sem tekið er undir ráðgefandi álit Alþjóðadómstólsins um að landnám Ísraela á Vesturbakkanum sé ólöglegt.
Stjórnskipun lýðveldisins Íslands virðist vera öðruvísi en annars staðar í utanríkisráðuneyti Þórdísar Kolbrúnar Reykfjörð Gylfadóttur sem flestir eru sammála um að sé stærsta nafnið í íslenskum stjórnmálum í dag á eftir Arndísi Önnu Kristínardóttur Gunnarsdóttur.
Þannig lásu hrafnarnir í Heimildinni að það hafi verið ráðuneytið sjálft en ekki Þórdís utanríkisráðherra sem ber ábyrgð á færslu á samfélagsmiðlum þar sem tekið er undir ráðgefandi álit Alþjóðadómstólsins um að landnám Ísraela á Vesturbakkanum sé ólöglegt.
Steinþór Grétar Jónsson blaðamaður Heimildarinnar sendi fyrirspurn á ráðuneytið og spurði hver bæri ábyrgð á færslunni og fékk þau svör að það hafi verið ráðuneytið en ekki ráðherra.
Hrafnarnir stóðu í þeirri meiningu að það væri ráðherrar sem bæru ábyrgð á ráðuneytum sínum og þar af leiðandi gætu starfsmenn ekki rekið sjálfstæða utanríkisstefnu í þessu tilfelli. Enda fór það svo að ráðuneytið þurfti að leiðrétta sjálft sig og sendi Heimildinni áréttingu eftir birtingu fréttarinnar um það væri svo ráðherrann sem bæri ábyrgð á ráðuneytinu eftir allt saman.
Huginn og Muninn er einn af föstum ritstjórnardálkum Viðskiptablaðsins. Þessi birtist fyrst í blaðinu sem kom út 24. júlí 2024.