Það hefur væntanlega farið fram hjá hlustendum Ríkisútvarpsins að vel heppnuðu útboði Ísfélagsins lauk fyrir síðustu helgi og viðskipti með bréf félagsins hefjast í Kauphöllinni á föstudag.
Ástæðan fyrir því að það hefur farið fram hjá hlustendum ríkismiðilsins er einfaldlega sú að engin frétt var sögð af því að elsta hlutafélag landsins og eitt stærsta sjávarútvegsfyrirtæki stæði í hlutafjárútboði og skráningu í Kauphöllina. Þetta þótti fréttahaukunum í Efstaleiti alls ekki fréttnæmt. Kalla þeir þó ekki allt ömmu sína í þeim efnum.
Heimildin, systurmiðill Ríkisútvarpsins, þótti þetta ekki heldur fréttnæmt. Rannsóknarblaðamennskusetrið sagði aðeins eina frétt sem tengist Ísfélaginu meðan á útboðinu stóð og tengdist hún viðskiptum innan fjölskyldu stærsta eiganda Ísfélagsins.
Sérhæfing í neikvæðum fréttum
Hrafnarnir telja að ríkismiðlinum og systurmiðlinum hafi ekki þótt þetta glæsilega útboð, þar sem á sjöunda þúsund einstaklingar og lögaðilar tóku þátt og eru þar með þátttakendur í þessu mikilvæga útgerðarfélagi, fréttnæmt þar sem ekki er að finna neinn neikvæðan flöt á því – hvorki fyrir Ísfélagið eða sjávarútveginn í heild sinni. Þessir miðlar hafa sérhæft sig í slíkum fréttaflutningi. Það er af sem áður var en á sínum tíma lagði Ríkisútvarpið mikla áherslu á vandaðan fréttaflutning af sjávarútvegsmálum og hélt meðal annars úti hinum ágæta fréttaþætti Auðlindinni.
Huginn og Muninn er einn af föstum ritstjórnardálkum Viðskiptablaðsins.
Ábending: Hröfnunum barst ábending frá Heiðari Erni Sigurfinnssyni fréttastjóra RÚV um að miðillinn hafi vissulega fjallað um útboðið. Það var gert í hádegisfréttum Ríkisúvarpsins 2. desember og leiðréttist það hér með.
Það hefur væntanlega farið fram hjá hlustendum Ríkisútvarpsins að vel heppnuðu útboði Ísfélagsins lauk fyrir síðustu helgi og viðskipti með bréf félagsins hefjast í Kauphöllinni á föstudag.
Ástæðan fyrir því að það hefur farið fram hjá hlustendum ríkismiðilsins er einfaldlega sú að engin frétt var sögð af því að elsta hlutafélag landsins og eitt stærsta sjávarútvegsfyrirtæki stæði í hlutafjárútboði og skráningu í Kauphöllina. Þetta þótti fréttahaukunum í Efstaleiti alls ekki fréttnæmt. Kalla þeir þó ekki allt ömmu sína í þeim efnum.
Heimildin, systurmiðill Ríkisútvarpsins, þótti þetta ekki heldur fréttnæmt. Rannsóknarblaðamennskusetrið sagði aðeins eina frétt sem tengist Ísfélaginu meðan á útboðinu stóð og tengdist hún viðskiptum innan fjölskyldu stærsta eiganda Ísfélagsins.
Sérhæfing í neikvæðum fréttum
Hrafnarnir telja að ríkismiðlinum og systurmiðlinum hafi ekki þótt þetta glæsilega útboð, þar sem á sjöunda þúsund einstaklingar og lögaðilar tóku þátt og eru þar með þátttakendur í þessu mikilvæga útgerðarfélagi, fréttnæmt þar sem ekki er að finna neinn neikvæðan flöt á því – hvorki fyrir Ísfélagið eða sjávarútveginn í heild sinni. Þessir miðlar hafa sérhæft sig í slíkum fréttaflutningi. Það er af sem áður var en á sínum tíma lagði Ríkisútvarpið mikla áherslu á vandaðan fréttaflutning af sjávarútvegsmálum og hélt meðal annars úti hinum ágæta fréttaþætti Auðlindinni.
Huginn og Muninn er einn af föstum ritstjórnardálkum Viðskiptablaðsins.
Ábending: Hröfnunum barst ábending frá Heiðari Erni Sigurfinnssyni fréttastjóra RÚV um að miðillinn hafi vissulega fjallað um útboðið. Það var gert í hádegisfréttum Ríkisúvarpsins 2. desember og leiðréttist það hér með.
