Týr furðar sig á framgöngu stjórnarandstöðunnar í umræðum um fjárlagafrumvarp ríkis-stjórnarinnar. Það eru fyrst og fremst þættir Kristrúnar Frostadóttur, leiðtoga stjórnarandstöðu góða fólksins, og Sigmundar Davíðs Gunnlaugssonar, leiðtoga stjórnarandstöðu vonda fólksins, sem vekja eftirtekt Týs í þessum efnum.
***
Þannig stóð Kristrún í hávaðarifrildi við Bjarna Benediktsson fjármálaráðherra á þingi í síðustu viku um að aðhaldskrafa um 1,1% af fjárlögunum muni einungis verða til þess að skapa hærri launakröfur. Með öðrum orðum þá er tilgangslaust með öllu að hagræða í ríkisrekstrinum um eina einustu krónu. „Ríkið fær þetta bara í fangið í hærri launakröfum og verðlagshækkunum og eftir situr hinn almenni launamaður með verri velferð og illa rekið ríkið,“ sagði Kristrún.
Kristrún kallast þarna á við Borg-rafmennin úr Star Trek-þáttunum. Andstaða er tilgangslaus og þér verðið samlagaðir. Ómögulegt er að draga úr ríkisútgjöldum.
***
Sigmundar Davíðs þáttur Gunnlaugssonar er ekki síður merkilegur í þessu öllu saman. Vissulega hefur Sigmundur bent á að ekkert aðhald sé að finna í fjárlagafrumvarpinu og þörf sé á niðurskurði á ríkisútgjöldum til að koma böndum á verðlagshækkanir og knýja fram lægra vaxtastig. Það er vissulega virðingarvert.
Sami Sigmundur steig síðan fram og kvartaði sáran yfir því að það svaraði ekki kostnaði að stunda áætlunarflug til og frá Húsavík. Morgunblaðið hafði eftir Sigmundi að tap ríkisins yrði mun meira ef fluginu yrði hætt en að styðja við rekstur þess.
***
Kristrún og Bjarni tókust svo á, á Sprengisandi Kristjáns Kristjánssonar á sunnudag. Þar sagði Kristrún að Sjálfstæðisflokkurinn hefði farið úr því að vera flokkur stöðugleika í að vera flokkur skattalækkana og einkareksturs. Það vakti athygli Týs að Bjarni andmælti þessum orðum Kristrúnar. Týr og aðrir talsmenn ábyrgra ríkisfjármála eiga sér enga talsmenn á þingi um þessar mundir.
Týr er einn af föstum skoðanadálkum Viðskiptablaðsins. Þessi birtist fyrst í blaðinu sem kom út 20. september.
Týr furðar sig á framgöngu stjórnarandstöðunnar í umræðum um fjárlagafrumvarp ríkis-stjórnarinnar. Það eru fyrst og fremst þættir Kristrúnar Frostadóttur, leiðtoga stjórnarandstöðu góða fólksins, og Sigmundar Davíðs Gunnlaugssonar, leiðtoga stjórnarandstöðu vonda fólksins, sem vekja eftirtekt Týs í þessum efnum.
***
Þannig stóð Kristrún í hávaðarifrildi við Bjarna Benediktsson fjármálaráðherra á þingi í síðustu viku um að aðhaldskrafa um 1,1% af fjárlögunum muni einungis verða til þess að skapa hærri launakröfur. Með öðrum orðum þá er tilgangslaust með öllu að hagræða í ríkisrekstrinum um eina einustu krónu. „Ríkið fær þetta bara í fangið í hærri launakröfum og verðlagshækkunum og eftir situr hinn almenni launamaður með verri velferð og illa rekið ríkið,“ sagði Kristrún.
Kristrún kallast þarna á við Borg-rafmennin úr Star Trek-þáttunum. Andstaða er tilgangslaus og þér verðið samlagaðir. Ómögulegt er að draga úr ríkisútgjöldum.
***
Sigmundar Davíðs þáttur Gunnlaugssonar er ekki síður merkilegur í þessu öllu saman. Vissulega hefur Sigmundur bent á að ekkert aðhald sé að finna í fjárlagafrumvarpinu og þörf sé á niðurskurði á ríkisútgjöldum til að koma böndum á verðlagshækkanir og knýja fram lægra vaxtastig. Það er vissulega virðingarvert.
Sami Sigmundur steig síðan fram og kvartaði sáran yfir því að það svaraði ekki kostnaði að stunda áætlunarflug til og frá Húsavík. Morgunblaðið hafði eftir Sigmundi að tap ríkisins yrði mun meira ef fluginu yrði hætt en að styðja við rekstur þess.
***
Kristrún og Bjarni tókust svo á, á Sprengisandi Kristjáns Kristjánssonar á sunnudag. Þar sagði Kristrún að Sjálfstæðisflokkurinn hefði farið úr því að vera flokkur stöðugleika í að vera flokkur skattalækkana og einkareksturs. Það vakti athygli Týs að Bjarni andmælti þessum orðum Kristrúnar. Týr og aðrir talsmenn ábyrgra ríkisfjármála eiga sér enga talsmenn á þingi um þessar mundir.
Týr er einn af föstum skoðanadálkum Viðskiptablaðsins. Þessi birtist fyrst í blaðinu sem kom út 20. september.
