Oft veltir lítil þúfa þungu hlassi. Stjórn Knattspyrnusambands Íslands ákvað á síðdegis á fimmtudaginn að reka Arnar Þór Viðarsson úr starfi landsliðsþjálfara. Brottreksturinn hafði gríðarlega mikil áhrif meðal annars í íslensku viðskiptalífi.
Einungis nokkrum klukkustundum síðar ákvað Halldór Benjamín Þorbergsson að láta af störfum sem framkvæmdastjóri Samtaka atvinnulífsins.
Daginn eftir fór Fréttablaðið á hausinn. Anna Regína Björnsdóttir tók við forstjórastöðunni hjá Coca-Cola á Íslandi og Tinna Hallgrímsdóttir var ráðin í nýja stöðu loftslags- og sjálfbærnifræðings hjá Seðlabanka Íslands. Nokkrum dögum síðar var Lárus Welding ráðinn rekstararstjóri Stoða.
Áhrifin náðu líka út fyrir landsteinana því í kjölfar brottrekstrar Arnars Þór var Graham Potter látinn taka poka sinn hjá Chelsea og sömu sögu er að segja af Brendan Rodgers hjá Leicester. Donald Trump var ákærður, McDonalds tilkynnti um fjöldauppsagnir og geimfyrirtæki Richards Branson fór í greiðslustöðvun.
Huginn og Muninn er einn af skoðanadálkum Viðskiptablaðsins. Pistillinn birtist í Viðskiptablaðinu, sem kom út miðvikudaginn 5. apríl 2023.
