Aksturinn er stór­skemmti­legur á þessum ofur smart. Bíllinn breytist í villi­dýr þegar skipt er í Brabus aksturs­stillinguna. Nógu afl­mikill er hann samt í Sport aksturs­stillingunni en það er bara galið gaman að aka honum þegar maður er búinn að stilla hann í Brabus stillinguna. Bíllinn fer úr 0-100 á að­eins 3,9 sekúndum.

Af­köstin eru því afar góð. Upp­gefin drægni í blönduðum akstri á hinum fjór­hjóla­drifna smart Brabus er 400 km. Brabus út­færslan er mjög afl­mikil og bíllinn er einungis 3,9 sekúndur úr 0-100. Raf­mótorar skila bílnum 428 hest­öflum þannig að aflið er feiki­gott. Hámrk­s­togið er 543 Nm.

Há­marks­hraðinn er 180 km/klst. þótt manni finnist þessi bíll í Brabus út­færslu geta farið enn hraðar þegar maður sigur stýri og gefur í. Ég prófaði einnig Pul­se út­færsluna sem er hinn hefð­bundni smart #1 en hún er einnig með 400 km drægni og hleðslan er 10-80% á undir 30 mín á hrað­hleðslu­stöð. Pul­se út­færslan er 4,6 sekúndur úr kyrr­stöðu í hundraðið.