Í tilefni af 150 ára afmæli íslenska frímerkisins gefur Pósturinn út fjögur ný frímerki í ár. Myndirnar á frímerkjunum eru teknar með dróna en Ragnar Th. Sigurðsson, ljósmyndari, fangaði fjölbreytileika íslenskrar náttúru sem nýtur sín vel á nýju frímerkjunum.
Fyrstu íslensku frímerkin voru gefin út 1873, hin svokölluðu skildingafrímerki. Útgáfudagurinn er í dag, 23. ágúst 2023. Pósturinn minnist þessara tímamóta með útgáfu smáarkar sem inniheldur fjögur sjálflímandi frímerki, bæði 50 og 100 g að verðgildi, fyrir bréfsendingar innan og utan Evrópu. Hægt verður að festa kaup á smáörkinni frá og með deginum í dag á 1950 kr.
Ákveðið var að frímerkin ættu að vera lýsandi fyrir Ísland og náttúruna.
Í tilefni af 150 ára afmæli íslenska frímerkisins gefur Pósturinn út fjögur ný frímerki í ár. Myndirnar á frímerkjunum eru teknar með dróna en Ragnar Th. Sigurðsson, ljósmyndari, fangaði fjölbreytileika íslenskrar náttúru sem nýtur sín vel á nýju frímerkjunum.
Fyrstu íslensku frímerkin voru gefin út 1873, hin svokölluðu skildingafrímerki. Útgáfudagurinn er í dag, 23. ágúst 2023. Pósturinn minnist þessara tímamóta með útgáfu smáarkar sem inniheldur fjögur sjálflímandi frímerki, bæði 50 og 100 g að verðgildi, fyrir bréfsendingar innan og utan Evrópu. Hægt verður að festa kaup á smáörkinni frá og með deginum í dag á 1950 kr.
Ákveðið var að frímerkin ættu að vera lýsandi fyrir Ísland og náttúruna.
„Við fengum til leiks með okkur fyrrverandi starfsmann Frímerkjasölu Póstsins, Vilhjálm Sigurðsson og honum til aðstoðar eina núverandi starfsmann Frímerkjasölunnar, Sigríði Ástmundsdóttur. Þau fengu Örn Smára Gíslason til að hanna smáörkina,“ segir Þórhildur Ólöf Helgadóttir, forstjóri Póstsins.
Myndirnar á frímerkjunum eru teknar með dróna. „Ragnar Th. Sigurðsson, ljósmyndari, fangaði fjölbreytileika íslenskrar náttúru sem nýtur sín vel á nýju frímerkjunum. Margbreytileiki íslenskrar náttúru er í aðalhlutverki, samspil elds og íss annars vegar, óviðjafnanlegar andstæður í landslagi og hins vegar lofthjúpur jarðar, leiftrandi norðurljós,“ segir hún.
![](http://vb.overcastcdn.com/images/126220.width-1160.png)
Myndirnar hafa ekki birst áður í safni íslenskra frímerkja að sögn Þórhildar.
„Við teljum að þau verði vinsæl á ferðamannastöðum til minningar um heimsókn til Íslands, auk þess sem frímerkjasafnarar eru ánægðir með að Pósturinn skuli fagna þessum tímamótum með útgáfu frímerkja,“ segir Þórhildur enn fremur.
![](http://vb.overcastcdn.com/images/126221.width-1160.png)
![](http://vb.overcastcdn.com/images/126222.width-1160.png)
![](http://vb.overcastcdn.com/images/126223.width-1160.png)