Aðeins örfáum klukkustundum eftir að Apple kynnti nýja iPhone 16 -símann sinn afhjúpaði kínverski keppinauturinn Huawei sinn eigin síma. Síminn ber heitið Huawei Mate XT og er fyrsti þríhliða snjallsími í heimi.

Huawei, sem er með höfuðstöðvar í Shenzhen, hefur vaxið gríðarlega á undanförnum misserum í miðju tæknistríði milli kínverskra og bandarískra stjórnvalda. Þrátt fyrir refsiaðgerðir þá hefur hagnaður Huawei sexfaldast milli ára.

Aðeins örfáum klukkustundum eftir að Apple kynnti nýja iPhone 16 -símann sinn afhjúpaði kínverski keppinauturinn Huawei sinn eigin síma. Síminn ber heitið Huawei Mate XT og er fyrsti þríhliða snjallsími í heimi.

Huawei, sem er með höfuðstöðvar í Shenzhen, hefur vaxið gríðarlega á undanförnum misserum í miðju tæknistríði milli kínverskra og bandarískra stjórnvalda. Þrátt fyrir refsiaðgerðir þá hefur hagnaður Huawei sexfaldast milli ára.

Meira en 3,7 milljónir manns hafa forpantað Mate XT-símann síðan á laugardaginn en snjallsíminn kostar 2.800 dali, eða tæpar 380 þúsund krónur.

Richard Yu, stjórnarformaður neytendaarms Huawei, sagði á kynningarviðburði fyrirtækisins að snjallsíminn hefði verið fimm ár í þróun. Hann er fyrsti þríhliða snjallsími í heimi og er þynnsta samanbrjótanlega símtólið sem fæst í heiminum.

Síminn er með þrjár hliðar sem hægt er að brjóta saman allt að þrisvar sinnum. Hann er með 10,2 tommu skjá og fáanlegur í rauðum og svörtum lit.