Stöðva þurfti Willy Wonka-viðburð í Glasgow á dögunum vegna fjölda kvartana frá bæði reiðum foreldrum sem kröfðust endurgreiðslu og frá börnum sem fóru heim með tár í augunum. Sýningin var svo slæm að skoska lögreglan var meðal annars kölluð á staðinn.
Sýningin var haldin í Box Hub-veislusalnum í Glasgow og var auglýst sem „súkkulaðifantasíuheimur þar sem draumar verða að veruleika.“
Stöðva þurfti Willy Wonka-viðburð í Glasgow á dögunum vegna fjölda kvartana frá bæði reiðum foreldrum sem kröfðust endurgreiðslu og frá börnum sem fóru heim með tár í augunum. Sýningin var svo slæm að skoska lögreglan var meðal annars kölluð á staðinn.
Sýningin var haldin í Box Hub-veislusalnum í Glasgow og var auglýst sem „súkkulaðifantasíuheimur þar sem draumar verða að veruleika.“
![](http://vb.overcastcdn.com/images/132054.width-1160.jpg)
Margir foreldrar greiddu 35 punda miðann fyrir fram og keyrði einn faðir með börnin sín þrjú alla leið frá skoska bænum Dundee í um tveggja klukkutíma fjarlægð.
![](http://vb.overcastcdn.com/images/132055.width-1160.jpg)
Við komuna mættu fjölskyldur nær tómu lagerhúsnæði og tómum veggjum. Búið var að dreifa nokkrum Willy Wonka-skreytingum um gólfið og var lítill bleikur hoppukastali í horninu á byggingunni.
Börnin fengu afhent örfáa gúmmíbangsa við komuna og einn fjórða af límonaðidós í plastglasi.
![](http://vb.overcastcdn.com/images/132056.width-1160.jpg)
Stuart Sinclair, faðirinn frá Dundee, segir að strákarnir hans hafi skemmt sér konunglega þar sem þeim fannst svo fyndið hversu slæmur viðburðurinn var. Myndirnar sem birtast hér eru af Facebook-síðu hans og hefur hann gefið fjölmiðlum birtingarleyfi.
Önnur móðir tók í sama streng á Facebook og sagðist hafa hlegið allan tímann yfir þessum harmleik.
![](http://vb.overcastcdn.com/images/132058.width-1160.jpg)
House of Illuminati, skipuleggjandi viðburðarins, hefur lofað öllum 850 gestum sem keyptu miða fulla endurgreiðslu.
![](http://vb.overcastcdn.com/images/132057.width-1160.jpg)