Egill Ploder er uppalinn Seltirningur og hálfur Austurríkismaður. Hann átti sér þann draum sem polli að verða atvinnumaður í fótbolta og handbolta en tók stefnu í aðra átt á menntaskólaárunum. „Athyglissýkin tók yfir í menntaskóla sem hafði þau dómínó áhrif að ég starfa í fjölmiðlum í dag,“ segir Egill.
Hann starfar einnig við markaðsmál sem hann segist alltaf hafa haft áhuga á. Þá lýsir hann sjálfum sér sem miklum fjölskyldumanni, padel spilara, byrjanda í golfi, áhugakokki og viskí- og rauðvínsmanni.
Við fengum Egil til að svara nokkrum spurningum um tónlist og segja okkur loks hver hans uppáhaldslög eru í sumar.
Hvernig tónlistarsmekk ert þú
með og hefur hann breyst mikið
í gegnum tíðina?
Ég er klárlega alæta á tónlist. Sem starfsmaður á FM957 kemst ég ekki hjá því að hlusta á mikið af mainstream poppi en þessa dagana er Country-ið mín uppáhalds tónlist.
Ég myndi ekkert endilega segja að tónlistarsmekkurinn hafi breyst mikið þar sem ég hlusta ennþá á sömu tónlist og þegar ég var yngri. Ég elti alltaf svolítið Franz, bróðir minn, í tónlistarsmekk sem unglingur og blandaði svo saman við mitt stuff.
Metallica átti kannski fyrsta lagið á iPodnum og svo var Justin Bieber næstur. Mikilvægt að vera með þessa contrasta!
Hver er uppáhalds tónlistarmaðurinn þinn og/eða hljómsveit?
Luke Combs, Justin Bieber og John Mayer.
Hverjir eru uppáhalds tónleikarnir sem þú hefur farið á?
Verð að nefna tvo!
Annars vegar fór ég á One Direction í Gautaborg árið 2015 með fimm æskuvinum. Það var eiginlega öll ferðin sem gerði tónleikana geggjaða.
Svo fór ég með systkinum mínum á Mad Cool festival í Madrid í fyrra þar sem við sáum Metallica, Muse, MO og fleiri góða artista. Mjög skemmtileg ferð!
Hvað er þitt go-to lag í karaoke?
Tennessee Whiskey - Chris Stapleton
Hvaða þrjú lög eru í uppáhaldi hjá þér þessa stundina og eru tilvalin á playlistann fyrir sumarið?
- Luke Combs - Where The Wild Things Are
- ICEGUYS – Rúletta
- Post Malone - Chemical
