Á­ætla að nýr aðili taki við Frí­höfninni í mars 2025

Isavia áætlar að ferli við að bjóða út rekstur Fríhafnarinnar á Keflavíkurflugvelli ljúki í mars 2025 og að nýr aðili taki þá við rekstrinum ef af verður. Þetta kemur fram í ársreikningi skýrslu stjórnar í ársreikningi Fríhafnarinnar, dótturfélagi Isavia.

Viðskiptablaðið greindi frá því í janúar að Isavia hefði auglýst eftir umsóknum vegna forvals fyrir áformað útboð á rekstri Fríhafnarinnar á Keflavíkurflugvelli. Isavia hyggst bjóða út reksturinn til átta ára með möguleika á framlengingu um allt að tvö ár.

Isavia áætlar að ferli við að bjóða út rekstur Fríhafnarinnar á Keflavíkurflugvelli ljúki í mars 2025 og að nýr aðili taki þá við rekstrinum ef af verður. Þetta kemur fram í ársreikningi skýrslu stjórnar í ársreikningi Fríhafnarinnar, dótturfélagi Isavia.

Viðskiptablaðið greindi frá því í janúar að Isavia hefði auglýst eftir umsóknum vegna forvals fyrir áformað útboð á rekstri Fríhafnarinnar á Keflavíkurflugvelli. Isavia hyggst bjóða út reksturinn til átta ára með möguleika á framlengingu um allt að tvö ár.

Fríhöfnin hagnast um hálfan milljarð

Fríhöfnin velti 14,8 milljörðum króna árið 2023 sem er um 19% aukning frá árinu 2022.

„Ný komuverslun opnar á fyrsti ársfjórðungi 2024 þar sem þjónusta við viðskiptavini er stórbætt og vonir eru bundnar við að verslunin muni skila Fríhöfninni töluverðri aukningu í sölu,“ segir í ársreikningnum.

Rekstrargjöld jukust um 23% og námu 13,9 milljörðum. Þar af voru laun og annar starfsmannakostnaður rúmir 1,6 milljarðar en meðalfjöldi ársverka var 124.

Rekstrarhagnaður fyrir afskriftir (EBITDA) lækkaði því úr rúmum 1,1 milljarði í 854 milljónir króna milli ára. Hagnaður Fríhafnarinnar eftir skatta nam 501 milljón í fyrra samanborið við 685 milljónir árið áður.

Eignir Fríhafnarinnar námu 3,1 milljarði króna í árslok 2023. Eigið fé var um 1,5 milljarðar og skuldir 1,6 milljarðar.