Ágúst Guðmundsson, einn stofnenda og aðaleiganda Bakkavarar, festi í síðasta mánuði kaup á fasteigninni að Suðurlandsbraut 18 á 1.470 milljónir króna í apríl í gegnum nýstofnaða félagið SB18 ehf.
Fasteignin, sem er um 3.400 fermetrar að stærð, er í daglegu tali betur þekkt sem Esso-húsið en þar voru höfuðstöðvar Olíufélagsins sem lét reisa húsið árið 1975.
Helsti leigutakinn í húsinu er Kvikmyndaskóli Íslands sem gerði árið 2020 leigusamning til 20 ára. Þegar leigusamningurinn var kynntur kom fram að skólinn myndi taka 70% af eigninni til leigu en stefnt væri að því að allt húsið yrði komið í leigu skólans innan nokkurra ára samhliða vexti alþjóðlegrar deildar við skólann.
Skólinn er í dag með fjórar af fimm hæðum í framhúsi fasteignarinnar og tvær af fjórum hæðum í bakhúsinu.
Fjallað er nánar um málið í Viðskiptablaðinu sem kemur út í fyrramálið. Áskrifendur geta nálgast greinina í heild sinni hér og annað efni í blaðinu hér.
