Hluthafafundur Íslandsbanka, sem fram á Grand hótel Reykjavík, hefst kl. 11:00 í dag. Á fundinum verður fjallað um sátt Íslandsbanka við fjármálaeftirlit Seðlabanka Íslands og viðbrögð Íslandsbanka við henni. Síðan er kosið til aðalstjórnar, varastjórnar og formanns stjórnar.
Hluthafafundur Íslandsbanka, sem fram á Grand hótel Reykjavík, hefst kl. 11:00 í dag. Á fundinum verður fjallað um sátt Íslandsbanka við fjármálaeftirlit Seðlabanka Íslands og viðbrögð Íslandsbanka við henni. Síðan er kosið til aðalstjórnar, varastjórnar og formanns stjórnar.
Ellefu einstaklingar keppast um sjö stjórnarsæti. Ljóst er að stjórnin mun taka breytingum en þrír sitjandi stjórnarmenn - Finnur Árnason, Guðrún Þorgeirsdóttir og Ari Daníelsson - gáfu ekki kost á sér til áframhaldandi stjórnarsetu.
Þann 18. júlí var skýrsla tilnefningarnefndar bankans birt. Hún lagði til að Linda Jónsdóttir og Stefán Pétursson verði kjörin ný í stjórnina. Jafnframt tilnefndi hún Lindu sem stjórnarformann bankans. Valnefnd Bankasýslu ríkisins tilnefndi Hauk Örn Birgisson til að taka sæti í stjórninni.
Stjórn Bankasýslunnar tilnefnir því eftirfarandi þrjá einstaklinga í stjórn bankans;
- Anna Þórðardóttir, sitjandi stjórnarmaður
- Agnar Tómas Möller, sitjandi stjórnarmaður
- Haukur Örn Birgisson
Tilnefningarnefnd Íslandsbanka leggur til að auk þeirra sem stjórn Bankasýslan tilnefndi, verði eftirtaldir einstaklingar kjörnir í stjórn bankans:
- Frosti Ólafsson, sitjandi stjórnarmaður
- Valgerður Skúladóttir, sitjandi stjórnarmaður
- Linda Jónsdóttir
- Stefán Pétursson
Endanlegur framboðslisti var birtur á þriðjudaginn. Auk þeirra frambjóðenda sem voru tilnefndir gáfu eftirfarandi fjórir einstaklingar kost á sér.
- Ásgeir Brynjar Torfason
- Elín Jóhannesdóttir
- Frosti Sigurjónsson
- Helga Hlín Hákonardóttir
Helga Hlín, sem starfar sem ráðgjafi hjá Strategíu, sagði við Innherja í vikunni að Gildi lífeyrissjóður hefði óskað eftir því að hún myndi bjóða sig fram. Gildi er næst stærsti hluthafi Íslandsbanka með 7,94% hlut en einungis ríkissjóður fer með stærri hlut.
Hluthafafundurinn var boðaður að beiðni Bankasýslunnar í kjölfar sáttar bankans við Fjármálaeftirlitið. Í sáttinni, sem var birt 26. júní, kemur fram að bankinn hafi ekki starfað fyllilega í samræmi við eðlilega og heilbrigða viðskiptahætti og venjur í verðbréfaviðskiptum vegna framkvæmdar á útboði á 22,5% eignarhlut ríkisins í bankanum í mars 2022.
Íslandsbanki féllst í kjölfarið á á greiða 1,2 milljarða króna sekt sem er langhæsta sekt sem hefur verið lögð á fjármálafyrirtæki á Íslandi.
Miklar breytingar hafa verið hjá Íslandsbanka í sumar en Birna Einarsdóttir sagði starfi sínu lausu sem bankastjóri bankans í kjölfar sáttarinnar. Jón Guðni Ómarsson tók við sem bankastjóri bankans.