Birna Einarsdóttir hefur tekið við sem stjórnarformaður Verðbréfamiðstöðvar Íslands en hún kom ný inn í stjórn á aðalfundi félagsins í vor. Tekur hún við stöðunni af Stefáni Sigurðssyni, sem var formaður stjórnar um árabil, en hann var kjörinn í stjórn Íslandsbanka í mars sl.

Stjórn er að öðru leyti óbreytt en þar sitja Sigþrúður Ármann og Ómar Örn Tryggvason auk þess sem María Sólbergsdóttir og Hrafnkell Kárason eru varamenn.