Eftir fjölmörg erfið ár á markaði hefur danski kraftbjóraframleiðandinn Mikkeller ákveðið að hleypa Carlsberg inn í eigendahóp félagsins.
Samkvæmt danska viðskiptamiðlinum Børsen hefur þetta líklegast verið erfið ákvörðun fyrir félagið sem hefur árum saman reynt að aðskilja sig frá Carlsberg. Frá því að Mikkeller opnaði sinn fyrsta bar í Kaupmannahöfn hefur staðið „Carlsberg Free Zone“ í glugganum.
Forstjóri og stofnandi Mikkeller, Mikkel Bjergsø, segir í samtali við Børsen að hann muni þó enn þá stýra félaginu.
Eftir fjölmörg erfið ár á markaði hefur danski kraftbjóraframleiðandinn Mikkeller ákveðið að hleypa Carlsberg inn í eigendahóp félagsins.
Samkvæmt danska viðskiptamiðlinum Børsen hefur þetta líklegast verið erfið ákvörðun fyrir félagið sem hefur árum saman reynt að aðskilja sig frá Carlsberg. Frá því að Mikkeller opnaði sinn fyrsta bar í Kaupmannahöfn hefur staðið „Carlsberg Free Zone“ í glugganum.
Forstjóri og stofnandi Mikkeller, Mikkel Bjergsø, segir í samtali við Børsen að hann muni þó enn þá stýra félaginu.
Töpuðu 2 milljörðum 2022
„Ég var orðinn þreyttur en núna get ég séð hlutina færast fram á við að nýju. Þessi samningur er að koma á góðum tíma fyrir mig,“ segir Mikkel.
Carlsberg keypti 20% hlut í Mikkeller en síðarnefnda fyrirtækið hefur verið leiðandi í handverksbjórum í Danmörku í tvo áratugi.
Carlsberg mun einnig sjá um alla dreifingu fyrir Mikkeller en að sögn Børsen var ekki gefið upp hvað Carlsberg greiddi fyrir dreifinguna.
Mikkeller hefur þurft að yfirgefa ýmsa markaði sem og að loka fjölmörgum börum síðastliðinn ár er félagið hefur verið að blæða peningum. Mikkeller tapaði 2,1 milljörðum króna árið 2022 en félagið hefur ekki skilað hagnaði síðustu fimm ár.
„Það er sérstakt að þurfa deila félaginu með þeim en ég hef áttað mig á því að markmið mín eru of háleit til þess að ég geti gert þetta á eigin spýtur,” segir Mikkel.
Carlsberg mun einnig sjá um að brugga alla bjóra Mikkeller sem er horn í síðu margra kraftbjóraunnenda.