Farþegum hjá Play fjölgaði mikið á milli ára í aprílmánuði, samkvæmt farþegatölfræði félagsins. Að sama skapi batnaði sætanýting, sem mældist 80,8% í apríl borið saman við 72,4% í sama mánuði í fyrra.
Í tilkynningu kemur fram að best sætanýting hafi verið í ferðum til Barcelona og London en yfir 90% sæta voru seld. Þá segir að meðalverð á farþega og hliðartekjur hafi verið að aukast, þótt ekki komi fram hve mikið.
Áfangastaðir félagsins verða 38 í Evrópu og í Norður-Ameríku á árinu og félagið verður með tíu flugvélar í rekstri. Play hefur áform um að auka framboð og bjóða upp á nýja áfangastaði en veturinn 2023-24 mun félagið meðal annars bjóða upp á:
- Síðdegisbrottfarir til Kaupmannahafnar og London
- Flug allt árið um kring til Lissabon
- Framlenging á flugáætlun félagsins til Aþenu
- Aukna tíðni flugferða til Alicante og Tenerife
- Flug til nýju áfangastaðanna Fuerteventure and Verona
