Hlutabréf Marel lækkuðu um 3,91% við lokun Kauphallarinnar í dag og nam velta með bréfum félagsins 511 milljónir króna. Gengi Marel hefur sveiflast töluvert undanfarið en dagslokagengi félagsins var 460 krónur á hvern hlut, samanborið við 442 krónur í dag.
Gengi Icelandair lækkaði einnig um 3,64% og nam velta með bréfum flugfélagsins 275 milljónir króna. Play lækkaði þar að auki um 5,19% og er hlutabréfaverð þess nú í svipuðum hæðum og það var í lok júní.
Íslandsbanki lækkaði um 2,45%, Arion lækkaði um 0,66% og Kvika lækkaði einnig um 0,85%.
Hlutabréf Alvotech höfðu hækkað við dagslok um 2,97% en gengi félagsins rauk upp í morgun eftir að Alvotech tilkynnti um 13 milljarða króna skuldabréfaútboð og aukið samstarf við Teva Pharmaceuticals fyrir næstu athugun FDA.
Gengi Alvotech hafði hækkað um 7% um 11 leytið en Teva fjárfesti jafnframt í víkjandi skuldabréfum Alvotech með breytirétti í hlutabréf, að andvirði 5,2 milljarðar króna miðað við núverandi gengi.
Úrvalsvísitalan lækkaði um 1,40% og er hlutabréfaverð hennar nú 2.485 krónur á hvern hlut. Þetta er í fyrsta sinn sem úrvalsvísitalan lækkar í tæpar tvær vikur.
