Gengi Icelandair hefur hækkað lítillega frá því að Kauphöllin opnaði í morgun eftir blóðuga viku á markaði. Gengið hefur hækkað um tæp 3% í 33 milljón króna viðskiptum í morgun en gengið stendur í 1,59 krónum sem er ögn hærra en dagslokagengi föstudagsins.
Markaðsvirði félagsins lækkaði um 5 milljarða í síðustu viku en hlutabréf í Icelandair hafa lækkað um rúm 18% síðastliðinn mánuð.
Icelandair færði afkomuspá ársins niður á miðvikudaginn í síðustu viku og gerir félagið nú ráð fyrir að rekstrarhagnaður (EBIT) verði á bilinu 50-65 milljónir dala sem samsvarar 3,3-4,3% af tekjum. Fyrri spá flugfélagsins gerði ráð fyrir að EBIT-hagnaður yrði á bilinu 4-6% í ár.
Gengi Icelandair hefur hækkað lítillega frá því að Kauphöllin opnaði í morgun eftir blóðuga viku á markaði. Gengið hefur hækkað um tæp 3% í 33 milljón króna viðskiptum í morgun en gengið stendur í 1,59 krónum sem er ögn hærra en dagslokagengi föstudagsins.
Markaðsvirði félagsins lækkaði um 5 milljarða í síðustu viku en hlutabréf í Icelandair hafa lækkað um rúm 18% síðastliðinn mánuð.
Icelandair færði afkomuspá ársins niður á miðvikudaginn í síðustu viku og gerir félagið nú ráð fyrir að rekstrarhagnaður (EBIT) verði á bilinu 50-65 milljónir dala sem samsvarar 3,3-4,3% af tekjum. Fyrri spá flugfélagsins gerði ráð fyrir að EBIT-hagnaður yrði á bilinu 4-6% í ár.
Fraktstarfsemin að reynast krefjandi
Icelandair gerir þó áfram ráð fyrir hagnaði af rekstri félagsins eftir fjármagnsliði og skatta fyrir árið í heild.
Í afkomuspánni segir að fraktstarfsemi félagsins hafi reynst mjög krefjandi og sá afkomubati sem gert var ráð fyrir við birtingu annars ársfjórðungs hafi ekki skilað sér. Frá sama tíma hefur eldsneytisverð hækkað um tæplega 30%.
Degi síðar var tilkynnt um að Gunnar Már Sigurfinnsson, framkvæmdastjóri Icelandair Cargo, væri hættur störfum.
