Hlutabréfaverð Tesla hefur hækkað um 9% eftir opnun markaða vestanhafs en rafbílaframleiðandinn birti árshlutauppgjör fyrr í dag.
Samkvæmt uppgjörinu drógust sölutölur Tesla saman annan ársfjórðunginn í röð en þó minna en fjárfestar og greiningaraðilar höfðu spáð fyrir um. Tesla seldi 443.956 bíla á heimsvísu á þriggja mánaða tímabilinu sem er um 4,8% samdráttur frá sama tímabili í fyrra.
Hlutabréfaverð Tesla hefur hækkað um 9% eftir opnun markaða vestanhafs en rafbílaframleiðandinn birti árshlutauppgjör fyrr í dag.
Samkvæmt uppgjörinu drógust sölutölur Tesla saman annan ársfjórðunginn í röð en þó minna en fjárfestar og greiningaraðilar höfðu spáð fyrir um. Tesla seldi 443.956 bíla á heimsvísu á þriggja mánaða tímabilinu sem er um 4,8% samdráttur frá sama tímabili í fyrra.
The Wall Street Journal segir samdráttinn merki um aukna samkeppni á rafbílamarkaðinum þar sem samkeppnisaðilar Tesla hafa verið að dæla út nýjum gerðum af bifreiðum sínum síðustu mánuði.
Sölutölurnar sýna þó að Tesla er enn stærsti rafbílaframleiðandi heims þegar kemur að fjölda bíla en bandaríska fyrirtækið missti titilinn um stund til kínverska rafbílaframleiðandans BYD.
Fjárfestar fögnuðu varnarsigrinum og sem fyrr segir hækkaði gengið um 9% en fyrir viðskipti dagsins hafði gengi félagsins lækkað um 16% á árinu.
