Líftæknifyrirtækið Genís hefur tryggt sér 1,1 milljarð króna í nýju hlutafé til áframhaldandi þróunar á beinígræðum og lyfjum við bólgusjúkdómum. Þetta kemur fram í fréttatilkynningu frá Genís.
Genís hefur um tveggja áratuga skeið unnið að rannsóknum og þróun á lífvirkum kítínfásykrum til notkunar í fæðubótarefni, lyf og við beinígræðslu.
Samkvæmt tilkynningunni komu bæði núverandi hluthafar og nýir fjárfestar að hlutafjáraukningunni.
Líftæknifyrirtækið Genís hefur tryggt sér 1,1 milljarð króna í nýju hlutafé til áframhaldandi þróunar á beinígræðum og lyfjum við bólgusjúkdómum. Þetta kemur fram í fréttatilkynningu frá Genís.
Genís hefur um tveggja áratuga skeið unnið að rannsóknum og þróun á lífvirkum kítínfásykrum til notkunar í fæðubótarefni, lyf og við beinígræðslu.
Samkvæmt tilkynningunni komu bæði núverandi hluthafar og nýir fjárfestar að hlutafjáraukningunni.
Baldvin Björn Haraldsson tók sæti í stjórn félagsins 20. júní en auk hans sitja Róbert Guðfinnsson, formaður stjórnar, Gunnhildur Róbertsdóttir, Sigþór Sigmarsson og Tómas Már Sigurðsson.
„Trú núverandi hluthafa og nýrra reynslumikilla fjárfesta á nýafstaðinni hlutafjáraukningu endurspeglar þann árangur sem Genís hefur náð að undanförnu. Félagið stendur styrkum fótum og krafturinn og metnaðurinn í okkar framúrskarandi starfsfólki gefur tilefni til mikillar bjartsýni,” segir Róbert Guðfinnsson, stofnandi og stjórnarformaður Genís.
Í tilkynningu segir að fjármögnuninni sé fyrst og fremst ætlað að styðja við áframhaldandi klínískar rannsóknir og þróun lyfja og lækningatækja, einkum á sviði beinendurnýjunar þar sem byggt er á endurnýjunar-, beinvirkni-, og bakteríudrepandi eiginleikum kítínafleiða.