Húsnæðisliðurinn vó þyngst til hækkunar á vísitölu neysluverðs í febrúar en greiningardeild Íslandsbanka bendir á að ekki sé þó allt sem sýnist þar sem hækkun í reiknuðu húsleigunni var nokkuð hófleg eða um 0,7% og hafði 0,13% áhrif á VNV.
„Það sem vegur aftur á móti þyngst til hækkunar er undirliðurinn „annað vegna húsnæðis“ sem hækkar um 11% (0,18% áhrif á VNV) og er það að mestu vegna 17% hækkunar á sorphirðugjöldum,” segir í greiningu Íslandsbanka sem Bergþóra Baldursdóttir hagfræðingur skrifar.
Húsnæðisliðurinn vó þyngst til hækkunar á vísitölu neysluverðs í febrúar en greiningardeild Íslandsbanka bendir á að ekki sé þó allt sem sýnist þar sem hækkun í reiknuðu húsleigunni var nokkuð hófleg eða um 0,7% og hafði 0,13% áhrif á VNV.
„Það sem vegur aftur á móti þyngst til hækkunar er undirliðurinn „annað vegna húsnæðis“ sem hækkar um 11% (0,18% áhrif á VNV) og er það að mestu vegna 17% hækkunar á sorphirðugjöldum,” segir í greiningu Íslandsbanka sem Bergþóra Baldursdóttir hagfræðingur skrifar.
Reykjavíkurborg sem hefur verið í töluverðum fjárhagsvandræðum síðustu ár greindi frá áætlunum sínum um hækkanir á sorphirðugjaldi í desember síðastliðinn.
Áætlar borgin að heildartekjur sínar af sorphirðugjöldum vegna hirðu við heimili hækki um 20% milli ára, úr 1.855 m.kr. í 2.234 m.kr.
Í áætlun borgarinnar er búist við því að vegna þess að íbúðum muni fjölga um 2,4% verði hækkunin á hverja íbúð um 12%.
Samkvæmt Hagstofunni og Íslandsbanka virðist raunin þó vera 17% hækkun á hverja íbúð.
Hækkunin á reiknuðu húsaleigunni var í takti við spá Íslandsbanka en ásamt sorphirðugjöldum hafði vaxtarþátturinn einnig töluverð áhrif. Vaxtaþátturinn vó tæplega 0,6% til hækkunar á meðan markaðsverðið á íbúðum hækkaði einungis um 0,1%.
„Þetta er talsverð breytt staða frá því sem var þegar verðhækkun á íbúðamarkaði var einn helsti drifkraftur hækkunar á vísitölunni.”
Þá segir einnig að uppkaup ríkisins á íbúðum í Grindavík muni að öllum líkindum hafa áhrif til hækkunar næstu mánuði.
![Bergþóra Baldursdóttir hagfræðingur.](http://vb.overcastcdn.com/images/119572.width-500.png)
© Aðsend mynd (AÐSEND)
„Það verður áhugavert að fylgjast með þróuninni á íbúðamarkaði næstu mánuði. Við teljum að uppkaup ríkisins á eignum í Grindavík muni hafa einhver áhrif til hækkunar líkt og við fjölluðum um í þjóðhagsspá okkar. Gæti farið svo að íbúðaverð á Suðurnesjum muni hækka meira en annars staðar þar sem útlit er fyrir að margir íbúar Grindavíkur vilji búa á því svæði. Ef það verður raunin munum við líklega sjá markaðsverð íbúðarhúsnæðis hækka hraðar en vísitölu íbúðaverðs sem Húsnæðis- og mannvirkjastofnun reiknar þar sem Hagstofan mælir íbúðaverð um allt land en vísitalan nær einungis til höfuðborgarsvæðisins,“ segir í greiningu Íslandsbanka.