Hagnaður Skaga samstæðunnar nam 136 milljónum króna á fyrsta ársfjórðungi, sem er um 41% samdráttur á milli ára þegar hagnaður samstæðunnar nam 229 milljónir.
Í árshlutauppgjöri félagsins segir félagið að fjárfestingareignir séu að skila góðum fjárfestingartekjum en fjármagnsliðir hækka milli ára sem skýrir lægri afkomu í samanburði við fyrsta ársfjórðung á síðasta ári.
Arðsemi eigin fjár var 2,6% á ársgrundvelli sem er lækkun úr 5,5% á sama tímabili í fyrra.
Hagnaður Skaga samstæðunnar nam 136 milljónum króna á fyrsta ársfjórðungi, sem er um 41% samdráttur á milli ára þegar hagnaður samstæðunnar nam 229 milljónir.
Í árshlutauppgjöri félagsins segir félagið að fjárfestingareignir séu að skila góðum fjárfestingartekjum en fjármagnsliðir hækka milli ára sem skýrir lægri afkomu í samanburði við fyrsta ársfjórðung á síðasta ári.
Arðsemi eigin fjár var 2,6% á ársgrundvelli sem er lækkun úr 5,5% á sama tímabili í fyrra.
Tekjur af tryggingarstarfsemi jukust um 9,9% á milli ára. Tekjuvöxtur í líf- og sjúkdómatryggingum nam 16,3% vexti milli ára.
Samsett hlutfall á fjórðungnum 103,6% en var 110,5% í fyrra. Félagið gerir þó áfram ráð fyrir að ná markmiði um 95% samsett hlutfall fyrir árið 2024.
Sú stærð sem helst er horft til í tryggingarekstri er samsett hlutfall, sem sýnir hlutfall kostnaðar af iðgjöldum, en um er að ræða aðferð sem sýnir hvernig rekstur vátryggingahluta tryggingafélaga gengur.
Ef hlutfallið er 100% duga iðgjöld tiltekins tímabils fyrir öllum gjöldum sama tímabils en ef hlutfallið er yfir 100% standa iðgjöld ekki undir kostnaði og tap er af vátryggingarekstrinum.
Afkoma af vátryggingarsamningum Skaga var neikvæð um 243 milljónir króna á fyrsta fjórðungi. Hreinar tekjur í fjármálastarfsemi vaxa umtalsvert og námu 626 milljónum.
„Uppgjör fyrsta ársfjórðungs hjá samstæðunni er heilt yfir gott. Fjármála- og tryggingastarfsemi skilaði afkomu umfram áætlanir og árið fer því vel af stað. Eftir viðsnúning í tryggingarekstrinum á síðasta ári sjáum við áframhaldandi jákvæða þróun inn í 2024 með góðum iðgjaldavexti og lækkandi kostnaði. Það er því góður gangur í tryggingastarfseminni með tæplega 10% tekjuvöxt á milli ára og ánægjulegt er að sjá metaukningu í sölu á líf- og sjúkdómatryggingum annan ársfjórðunginn í röð. Ávöxtun á eignasafni VÍS var 2,2%, sem er umfram viðmið,” segir Haraldur Þórðarson, forstjóri Skaga.
Með um 121 milljarð í stýringu
Eignir í stýringu hjá Skaga námu 121 milljarði króna í lok fjórðungsins og nam afkoma í fjármálastarfsemi 90 milljónum króna fyrir skatta.
„Tekjur af fjármálastarfsemi Fossa og SIV námu 626 milljónum og eru umfram áætlun á fjórðungnum. Eignir í stýringu (e. AuM) námu 121 milljarði króna. Góður taktur var á öllum tekjusviðum bankans og það er í samræmi við markmið um að byggja upp dreifðari tekjustoðir,“ segir Haraldur.
„Mikilvægur áfangi náðist þegar bankinn gaf út sinn fyrsta skráða víxil í Kauphöll á grundvelli nýrrar grunnlýsingar bankans. Bankinn flutti svo höfuðstöðvar sínar í Ármúla þrjú í byrjun árs og nú er öll samstæðan undir sama þaki. Þetta var því sterkur fjórðungur hjá Fossum fjárfestingarbanka,” bætir hann við.
Horfur fyrir árið 2024 eru óbreyttar:
- Tryggingastarfsemi: Samsett hlutfall verði á bilinu 94% – 97%. Markmið <95%.
- Fjármálastarfsemi: Hreinar fjármálatekjur nemi á bilinu 1.900 – 2.600 m.kr. Markmið >2.200 m.kr.
- Fjárfestingartekjur: Áætluð ávöxtun fjárfestingareigna á árinu er 11% en það er byggt á forsendum miðað við vaxtastig í upphafi árs og fjárfestingarstefnu.4