Tesla hækkaði verð á Model Y og Model 3 í Bandaríkjunum, Kína, Japan og Kanada í upphafi vikunnar um allt að 290 Bandaríkjadali samkvæmt upplýsingum á heimasíðu þeirra.

Þetta er í fyrsta sinn sem rafbílaframleiðandinn hækkar verð á tveimur vinsælustu bílategundunum samtímis á nokkrum mörkuðum. Verð á bílunum er þó áfram lægra heldur en það var í upphafi árs, þegar það var lækkað umtalsvert í nokkrum lotum, og ólíklegt þykir að þessar hækkanir muni hafa mikil áhrif.

Elon Musk greindi frá því í síðasta mánuði að áhersla yrði lögð á söluaukningu umfram framlegð en hagnaður gæti náðst með útbreiðslu hugbúnaðs sjálfkeyrandi ökutækja seinna meir.