Samkvæmt The Wall Street Journal er verðbólgan orðin sýnileg í Hamptons, vinsælasta sumardvalarstað efnaðra Bandaríkjamanna.
„Ég var í uppnámi þegar ég keypti tvo tómata á tuttugu dali,“ segir Tita Loyek, samfélagsmiðlastjarna sem eyddi nýverið fríi sínu í Hamptons með maka sínum sem vinnur hjá fjárfestingabanka vestanhafs. Samsvarar það um 1.380 krónum fyrir einn tómat.
Samkvæmt The Wall Street Journal er verðbólgan orðin sýnileg í Hamptons, vinsælasta sumardvalarstað efnaðra Bandaríkjamanna.
„Ég var í uppnámi þegar ég keypti tvo tómata á tuttugu dali,“ segir Tita Loyek, samfélagsmiðlastjarna sem eyddi nýverið fríi sínu í Hamptons með maka sínum sem vinnur hjá fjárfestingabanka vestanhafs. Samsvarar það um 1.380 krónum fyrir einn tómat.
Bandaríski viðskiptamiðillinn fór á stúfana og fór yfir verðhækkanir á matvöru í Hamptons en þar er til að mynda hægt að finna Guacomole fyrir 29 dali eða 4000 krónur og kjúklinganagga með Chipotle-majónesi fyrir 35 dali eða 4.800 krónur.
Hins vegar hefur humarsalatið sem fæst í Red Horse Market matvöruversluninni í austurhluta Hamptons vakið mesta athygli.
Eitt pund af humarsalati, sem eru um 450 gr, kostar 120 dali eða um 16.554 krónur.
„Ef þú hélst að hlutirnir gætu ekki orðið dýrari í Hamptons, þá, jæja, þeir urðu það,“segir Barbara Kavovit, sjónvarpsstjarna, rithöfundur og fyrirtækjaeigandi á Tiktok.
