Áætlaður hagnaður Grænuhlíðar sf. félags Jóhannes Hauks Jóhannessonar leikara, nam um 18 milljónum króna á síðasta ári. Þá var áætlaður launakostnaður félagsins um 17 milljónir króna.

Þetta kom fram í samantekt Viðskiptablaðsins á ríflega 350 afkomuhæstu samlags- og sameignarfélaganna í fyrra.

Útreikningarnir byggja á álögðum tekjuskatti og tryggingagjaldi samkvæmt álagningarskrá lögaðila hjá Skattinum.

Félag Jóhannesar Hauks var í sjötta sæti í flokki lista- og fjölmiðlamanna en úttektin var sundirliðuð á níu atvinnugreinar. Félag Bubba Morthens og Hrafnhildar Hafsteinsdóttur var efst í þeim flokki líkt og sjá má á töflunni hér að neðan.

Jóhannes Haukur hefur á undanförnum árum leikið í fjölda erlendra þáttaraða og kvikmynda á borð við Vikings og Game of Thrones.

Í sætunum fyrir neðan Grænuhlíð voru félög uppistandaranna Sólmundar Hólm og Ara Eldjárns en vænta má að samkomutakmarkanir sökum heimsaldursins hafi sett nokkuð svip á árið hjá þeim.