Blikur eru á lofti í klámiðnaðinum samhliða vexti gervigreindarinnar en samkvæmt frétt Washington Post telja klámfyrirtækin að gervigreindin feli í sér breytingar til framtíðar, bæði góðar og slæmar.

Samkvæmt nýlegri greiningu eru stærstu klámsíður heims með fleiri mánaðarlega notendur en til að mynda Amazon, Netflix og TikTok. Í gegnum tíðina hefur klámiðnaðurinn brugðist tímanlega við hinum ýmsu breytingum þegar kemur að tækni og virðist það sama eiga við um gervigreindina.