Samkeppniseftirlitið hefur tekið „ákvörðun til bráðabirgða“ vegna „sennilegs brots Hreyfils“ gegn samkeppnislögum, með því að banna leigubifreiðastjórum sem keyra fyrir Hreyfil að nýta sér þjónustu annarra leigubifreiðastöðva.
Stutt er síðan að Hopp sótti fram á leigubílamarkaði á Íslandi en fyrirtækið hefur ráðið til sín fimmtíu bílstjóra.
„Frá því að Hopp hóf starfsemi hefur Hreyfill komið í veg fyrir að leigubifreiðastjórar sem keyra fyrir Hreyfil nýti sér þjónustu Hopp. Þá útilokuðu einnig reglur í samþykktum og stöðvarreglum Hreyfils félagsmenn frá því að nýta sér aðra þjónustu á markaði, sem þeim stæði til boða,“ segir í tilkynningu Samkeppniseftirlitsins.
Samkeppniseftirlitið hefur tekið „ákvörðun til bráðabirgða“ vegna „sennilegs brots Hreyfils“ gegn samkeppnislögum, með því að banna leigubifreiðastjórum sem keyra fyrir Hreyfil að nýta sér þjónustu annarra leigubifreiðastöðva.
Stutt er síðan að Hopp sótti fram á leigubílamarkaði á Íslandi en fyrirtækið hefur ráðið til sín fimmtíu bílstjóra.
„Frá því að Hopp hóf starfsemi hefur Hreyfill komið í veg fyrir að leigubifreiðastjórar sem keyra fyrir Hreyfil nýti sér þjónustu Hopp. Þá útilokuðu einnig reglur í samþykktum og stöðvarreglum Hreyfils félagsmenn frá því að nýta sér aðra þjónustu á markaði, sem þeim stæði til boða,“ segir í tilkynningu Samkeppniseftirlitsins.
Önnur áminning á stuttum tíma
„Hreyfill hefur um árabil verið stærsta leigubifreiðastöð landsins með flesta leigubifreiðastjóra og gríðarlegan efnahagslegan styrk umfram keppinauta. Samkeppniseftirlitið tók samsvarandi háttsemi Hreyfils gagnvart öðru félagi til skoðunar árið 2020,“ segir þar enn fremur.
Samkeppniseftirlitið beindi þá tilmælum til Hreyfils að láta af háttseminni, sem bryti líklega gegn 11. gr. samkeppnislaga.
„Athugun þessa máls hefur leitt í ljós að Hreyfill hefur virt fyrrgreind tilmæli Samkeppniseftirlitsins að vettugi.“
Í bráðabirgðaákvörðuninni er þeim fyrirmælum beint til Hreyfils að láta af háttsemi sinni gagnvart Hopp án tafar „ásamt því að gera nauðsynlegar breytingar á reglum og samþykktum félagsins sem banna eða hamla því að leigubifreiðastjórar sem keyri fyrir Hreyfil nýti sér jafnframt þjónustu annarra aðila.“
Hreyfill þarf að gefa út formlega tilkynningu til leigubifreiðastjóra sem nýta sér þjónustu félagsins þar sem upplýst er um bráðabirgðaákvörðunina og að leigubifreiðastjórum sé frjálst að nýta sér jafnframt þjónustu annarra aðila kjósi þeir það.
„Samkeppniseftirlitið telur að umrædd háttsemi grundvallist hvorki á málefnalegum né hlutlægum forsendum. Háttsemi Hreyfils sé til þess fallin að hindra innkomu nýs keppinautar á markaðinn neytendum til tjóns ásamt því að viðhalda þeim takmörkunum, gagnvart meirihluta leigubifreiðastjóra, sem ný lög um leigubifreiðaakstur áttu að uppræta,“ segir að lokum.
