Garðar Svavarsson, framkvæmdastjóri Loðnuvinnslunnar á Fáskrúðsfirði, segir í samtali við Fiskifréttir Skagann 3X skipta íslenskan sjávarútveg gríðarlega miklu máli.
Líkt og Viðskiptablaðið greindi frá í gær var Skaginn 3X tekinn til gjaldþrotaskipta í gær og öllum starfsmönnum fyrirtækisins sagt upp.
Helgi Jóhannesson lögmaður tók við starfi skiptastjóra í kjölfarið en hann segir í samtali við mbl.is að nokkrir hafi lýst áhuga á að kaupa allt fyrirtækið og einstakar eignir þess.
Garðar Svavarsson, framkvæmdastjóri Loðnuvinnslunnar á Fáskrúðsfirði, segir í samtali við Fiskifréttir Skagann 3X skipta íslenskan sjávarútveg gríðarlega miklu máli.
Líkt og Viðskiptablaðið greindi frá í gær var Skaginn 3X tekinn til gjaldþrotaskipta í gær og öllum starfsmönnum fyrirtækisins sagt upp.
Helgi Jóhannesson lögmaður tók við starfi skiptastjóra í kjölfarið en hann segir í samtali við mbl.is að nokkrir hafi lýst áhuga á að kaupa allt fyrirtækið og einstakar eignir þess.
„Maður á erfitt með að sjá fyrir sér að menn láti þá þekkingu sem er þarna innan dyra, í mannauði og öðru, glatast,“ segir Garðar við Fiskifréttir.
Loðnuvinnslan er með mikinn búnað frá Skaganum 3X í vinnslu sinni; sjálfvirknikerfi og plötufrysta og pökkunarlínur. „Þeir sjálfvirknivæddu uppsjávarfrystinguna,“ segir Garðar.
„Skaginn hefur skipt íslenskan sjávarútveg og fyrirtækin í landinu gríðarlega miklu máli í gegnum árin. Það er kannski það alvarlegasta í þessu. Fyrirtækið hefur staðið í fararbroddi í ákveðinni þróun í tækni- og sjálfvirknivæðingu á uppsjávarvinnslunni hér og víða annars staðar. Það er alveg ljóst að þetta hefur veruleg áhrif. Óneitanlega verður þetta högg,“ segir Garðar.