Hlutabréf Sjóvá lækkuðu í dag um 0,57% við lokun Kauphallarinnar og nam velta með bréf félagsins 256 milljónum króna. Hlutabréfaverð Sjóvá er nú 34,90 krónur á hvern hlut og hefur ekki verið jafn lágt síðan í byrjun júlí.
Gengi Icelandair lækkaði einnig um 1,45% og nam velta með bréf flugfélagsins 104 milljónum króna. Viðskiptablaðið greindi frá því í gær að Icelandair hafi hækkað um 3,50% við lokun markaðar.
Alvotech lækkaði um 2,73%, Marel lækkaði um 0,93% og Kvika lækkaði um 0,87%.
Skel fjárfestingafélag hækkaði hins vegar um 2,24% en Viðskiptablaðið greindi frá því í morgun að færeyska samkeppniseftirlitið hafði staðfest að það muni ekki aðhafast frekar vegna kaupa SP/F á öllu hlutafé Skeljar.
Kaupsamningurinn var undirritaður í febrúar en var áður með fyrirvara um samþykki samkeppniseftirlits Færeyja.
Festi hækkaði um 0,26% og Nova hækkaði um 0,23%.
Úrvalsvísitalan lækkaði um 0,82% og er hlutabréfaverð hennar nú 2.391 krónur á hvern hlut.
