Samkvæmt skráningarlýsingu John Bean Technologies (JBT) í tengslum við yfirtökutilboð félagsins í allt hlutafé Marels er heildarkostnaður við yfirtökuna verði í kringum 1,9 milljarða evra, sem samsvarar um 285 milljörðum íslenskra króna á gengi dagsins í dag.
Yfirtakan verður fjármögnuð með handbæru fé, lántöku og skuldabréfaútgáfu en ljóst er að samkvæmt skráningarlýsingunni verður hið sameinaða félag Marels og JBT frekar skuldsett.
Wells Fargo og Goldman Sachs eru að aðstoða JBT við fjármögnun og hafa bankarnir tveir veitt JBT 1,3 milljarða evru lánalínu til að ganga frá kaupunum. Í yfirliti yfir áhættuþætti sem hluthafar JBT og Marel eru beðnir um að hafa í huga í tengslum við kaupin er farið ítarlega yfir skuldsetningu félaganna tveggja og sameinaða félagsins.
Samkvæmt skráningarlýsingunni skuldaði JBT um 652,5 milljónir Bandaríkjadala og Marel 800,9 milljónir evra þann 31. mars 2024. Sameiginleg skuld félaganna tveggja fyrir yfirtökuna á gengi dagsins er því um 310 milljarðar króna.
Samkvæmt skráningarlýsingu John Bean Technologies (JBT) í tengslum við yfirtökutilboð félagsins í allt hlutafé Marels er heildarkostnaður við yfirtökuna verði í kringum 1,9 milljarða evra, sem samsvarar um 285 milljörðum íslenskra króna á gengi dagsins í dag.
Yfirtakan verður fjármögnuð með handbæru fé, lántöku og skuldabréfaútgáfu en ljóst er að samkvæmt skráningarlýsingunni verður hið sameinaða félag Marels og JBT frekar skuldsett.
Wells Fargo og Goldman Sachs eru að aðstoða JBT við fjármögnun og hafa bankarnir tveir veitt JBT 1,3 milljarða evru lánalínu til að ganga frá kaupunum. Í yfirliti yfir áhættuþætti sem hluthafar JBT og Marel eru beðnir um að hafa í huga í tengslum við kaupin er farið ítarlega yfir skuldsetningu félaganna tveggja og sameinaða félagsins.
Samkvæmt skráningarlýsingunni skuldaði JBT um 652,5 milljónir Bandaríkjadala og Marel 800,9 milljónir evra þann 31. mars 2024. Sameiginleg skuld félaganna tveggja fyrir yfirtökuna á gengi dagsins er því um 310 milljarðar króna.
„Skuldsetning hins sameinaða félags eftir yfirtökuna verður mun meiri en skuldir JBT og Marel einar og sér og mun meiri en sameiginlegar skuldir félaganna tveggja fyrir yfirtökuna. Þessi aukna skuldsetning gæti haft áhrif á sveigjanleika í rekstri hins sameinaða félags og aukið fjármögnunarkostnað,“ segir í S-4 eyðublaðinu sem JBT skilaði inn til SEC.
Samkvæmt gögnunum er áætlað að skuldsetning JBT aukist um 1,5 milljarða evra, eða um 225 milljarða króna, til að fjármagna kaupin.
Skuldsetningin er sögð hafa þau áhrif að hið sameinaða félag mun þurfa að nota stærri hluta af sjóðstreymi sínu til að borga niður skuldir en félögin gera ein og sér núna. Mun það hafa neikvæð áhrif á möguleika félagsins til að sækja fram og fara í frekari yfirtökur, fjárfestingar í nýrri tækni, kaupa á eigin bréfum og greiða út arð.
Hið sameinaða félag mun einnig vera viðkvæmari fyrir efnahagslegum sveiflum, s.s. vaxtabreytingum.
Skuldir Marels eru sérstakt áhyggjuefni samkvæmt skráningarlýsingunni en 98,5% af skuldum félagsins, eða um 788,9 milljónir evra, eru á breytilegum vöxtum. Þar á meðal er 10 milljóna evru skuldviðurkenning sem fylgir stýrivöxtum, 351 milljónar evru lánalína í Hollandi sem og önnur lán sem ná upp í 438 milljónir evra.
„Þessir breytilegu vextir gera Marel berskjaldað fyrir vaxtabreytingum en ef vextir hækka, hækka vaxtagjöld Marels.“
Það er þó tekið fram að Marel hefur gengið inn í skiptasamninga til að verja sig fyrir vaxtabreytingum til að reyna ná því markmiði að um 50 til 70% af skuldum félagsins verði á föstum vöxtum til lengri tíma. Þann 31. mars 2024 voru þó 434,9 milljónir evra af skuldum Marels óvarðar fyrir vaxtabreytingum.
Viðskiptablaðið ræddi við nokkra af stærri hluthöfum Marels um hvernig skuldsetning hins sameinaða félags horfir við þeim og sögðu flestallir að heildarmyndin verði alltaf skoðuð þegar kemur að því hvort þeir samþykki tilboðið eður ei.
„Við eigum eftir að fara yfir þessa þætti betur þegar það kemur að því að taka ákvörðun. Skuldahlutfall verður eitt af því sem verður skoðað,“ segir Davíð Rúdólfsson, framkvæmdastjóri Gildis.
