Ársverðbólga í Danmörku mældist 0,6% í nóvembermánuði sem er hækkun úr 0,1% í október samkvæmt dönsku Hagstofunni en Børsen greinir frá.
Hækkandi orkuverð með kólnandi veðri hefur mest áhrif á hækkunina en orkuverð hafði lítil áhrif á verðbólguna yfir sumarið. Vöruverð lækkaði þó að meðaltali um 3% milli ára á meðan þjónusta hækkaði um 4,2% á ársgrundvelli. Af þeim sökum er enn dýrara fyrir Dani að heimsækja kaffihús og veitingastaði en fyrir ári síðan.
Kjarnaverðbólga, sem undanskilur sveiflukennda vöruflokka í matvæla- og orkugeiranum, hélt þó áfram að lækka milli mánaða og mældist 3% í nóvember sem er lækkun úr 3,3% í október.
Ársverðbólga í Danmörku mældist 0,6% í nóvembermánuði sem er hækkun úr 0,1% í október samkvæmt dönsku Hagstofunni en Børsen greinir frá.
Hækkandi orkuverð með kólnandi veðri hefur mest áhrif á hækkunina en orkuverð hafði lítil áhrif á verðbólguna yfir sumarið. Vöruverð lækkaði þó að meðaltali um 3% milli ára á meðan þjónusta hækkaði um 4,2% á ársgrundvelli. Af þeim sökum er enn dýrara fyrir Dani að heimsækja kaffihús og veitingastaði en fyrir ári síðan.
Kjarnaverðbólga, sem undanskilur sveiflukennda vöruflokka í matvæla- og orkugeiranum, hélt þó áfram að lækka milli mánaða og mældist 3% í nóvember sem er lækkun úr 3,3% í október.
Spá meiri verðbólgu næstu mánuði
Lars Olsen, aðalhagfræðingur Dansek Bank, segir Dani geta verið ánægðir með stöðuna.
„Ef þú skoðar verðbreytingar frá október til nóvember með tilliti til árstíðabreytinga og orkuverðs er aðeins um 0,1% hækkun að ræða,“ segir Lars. „Þannig er í raun er verðbólguþrýstingurinn ekki að aukast sem er jákvætt.“
Olsen, sem og aðrir hagfræðingar í Danmörku, búast þó við því að verðbólgan muni taka við sér aftur á nýju ári.
„Hár launakostnaður í sögulegu samhengi mun þrýsta á fyrirtæki til að hækka verð sem hefur þar að leiðandi áhrif á vísitölu neysluverð.“