Heildartekjur heildverslunar námu 47,2 milljörðum króna á síðasta ári og jukust þær um 2,9% frá fyrra ári. Sé litið til tímabilsins milli 2019 og 2022 jukust tekjurnar einungis um 11% en að meðaltali var heildartekjuvöxtur þeirra geira, sem fjallað er sérstaklega um í ritinu 500 stærstu, um 42% á þessu tímabili. Það var einungis einn geiri með minni tekjuvöxt en heildverslun en það var flugþjónusta.