Hrafnarnir ráku upp stór augu þegar þeir lásu Morgunblaðið á mánudag. Þar var rætt við Árelíu Eydísi Guðmundsdóttur, borgarfulltrúa Framsóknarflokksins og formann skóla- og frístundasviðs.

Þar boðaði hún þau miklu tíðindi að borgarmeirihlutinn ætli að hætta að styðjast við óraunhæfar og jafnvel fjarstæðukenndar áætlanir þegar komi að borgarmálunum.

Þannig sagði Árelía í samtali við blaðið að héðan í frá hyggist borgin gera raunhæfar áætlanir um þann fjölda reykvískra barna sem getur hafið nám í leikskólum.