Hátíðin HönnunarMars var sett með pompi og prakt í gær í Hafnarhúsinu að viðstöddu fjölmenni.
Lilja D. Alfreðsdóttir, menningar- og viðskiptaráðherra, Einar Þorsteinsson borgarstjóri, Halla Helgadóttir, framkvæmdastjóri Miðstöðvar hönnunar og arkitektúrs og Helga Ólafsdóttir, stjórnandi HönnunarMars, klipptu á borða og opnuðu þar sem hátíðina formlega, 16. árið í röð.
Sirkusþema ársins endurspeglaðist á opnuninni með skrúðgöngu úr Hörpu í Hafnarhúsið með Lúðrasveit Verkalýðsins í broddi fylkingar, Hringleikur var með sirkusatriði ásamt taktföstum tónum frá Fm Belfast dj setti.
Í ár býður dagskrá hátíðarinnar upp á gleði, forvitni og hugrekki með sýningum hönnuða og arkitekta víðs vegar um borgina.
Í tilkynningu segir að hátíðin verði næstu fimm daga en hún samanstendur af sýningum, opnunum, leiðsögnum, samtölum og margt fleira.
