Bandaríski olíurisinn Chevron er að ganga frá kaupum á öllu hlutafé olíufyrirtækinu Hess í skiptum fyrir útgefið hlutafjár í sameinuðu félagi að andvirði 53 milljarða dala, sem samsvarar rúmlega 7.300 milljörðum íslenskra króna.
Samkvæmt The Wall Street Journal er Chevron að fjölþætta eignasafn sitt með kaupunum en Hess á mikið af olíulindum í Guyana, Mexíkóflóa og Suðaustur-Asíu.
Chevron er að borga 171 dali fyrir hvern hlut sem er í samræmi við dagslokagengi Hess á föstudaginn og fá hluthafar Hess 1.0250 hluti í Chevron fyrir hvern hlut.
Chevron er að greiða 10,3% yfirverð miðað við meðalgengi Hess síðastliðna 20 daga.
Um er að ræða annan risasamrunann á olíumarkaði á stuttum tíma en nýlega gekk olíufyrirtækið Exxon Mobil frá kaupum á Pioneer Natural Resources sem sérhæfir sig í vökvabroti (e. fracking).
Kaupverðið var í kringum 60 milljarða Bandaríkjadala sem samsvarar rúmlega 8200 milljörðum íslenskra króna.
Samruni Exxon Mobil og PNR er sá stærsti á olíumarkaði síðan Exxon og Mobil runnu saman árið 1999.
Olíufélögin hafa aldrei átt meira eigið fé en um þessar mundir og er hagnaður í hæstu hæðum.
Samkvæmt The Wall Street Journal má búast við því að fleiri kaup og samrunar séu í vændum.
