Olíurisinn Exxon Mobil er í þann mund að klára kaup Pioneer Natural Resources sem sérhæfir sig í vökvabroti (e. fracking).
Samkvæmt The Wall Street Journal er kaupverðið í kringum 60 milljarða Bandaríkjadala sem samsvarar rúmlega 8200 milljörðum íslenskra króna.
Viðræðurnar eru langt komnar og er búast við því að kaupsamningur liggi fyrir á næstu dögum. Samkvæmt WSJ mun samruninn hafa gríðarleg áhrif á olíuumhverfi Bandaríkjanna.
Markaðsvirði Pioneer er í kringum 50 milljarða dali en ef kaupin ganga eftir verður þetta stærsti samruni á olíumarkaði síðan Exxon og Mobil runnu saman árið 1999.
Með kaupunum kemur Exxon Mobil sér í kjörstöðu á olíusvæðum í Vestur-Texas og Nýju Mexíkó sem olíurisinn hefur áður sagt að stefnan sé að sækja fram þar.
Markaðsvirði Exxon er 436 milljarðar dala svo að yfirtakan á PNR ætti ekki að vera fyrirtækinu um of. Olíurisinn skilaði einnig methagnaði í fyrra og er eigið fé félagsins í hæstu hæðum.