Líftæknilyfjafyrirtækið Alvotech sagði upp fimmtán starfsmönnum í gær.
Benedikt Stefánsson, forstöðumaður fjárfesta- og almannatengsla, segir í samtali við Viðskiptablaðið að um sé að ræða bæði innlenda og erlenda starfsmenn.
„Þetta er hluti af eðlilegu breytingaferli, við erum auðvitað mjög dýnamískt fyrirtæki. Verkefni breytast og til dæmis er verið að auka afköst í lyfjaframleiðslunni,“ segir Benedikt og bætir við að uppsagnirnar séu þvert á deildir.
„Við réðum 29 manns í janúar og 15 manns eru að kveðja þannig að heildafjöldi starfsmanna dregst ekki saman,“ segir Benedikt og bætir við að þetta sé því ekki niðurskurður.
Hann segir einungis um áherslubreytingu að ræða á nokkrum sviðum. Um 1.050 starfsmenn starfa hjá Alvotech og tæp 80% þeirra starfa á Íslandi.