Receep Tayyip Erdogan, forseti Tyrklands, hefur skipað fyrrverandi framkvæmdastjóra First Republic bankans seðlabankastjóra Tyrklands.
Hafize Gaye Erkan var framkvæmdastjóri First Republic til loka árs 2021 en bankinn varð ógjaldfær í vor.
Bankarisinn JPMorgan Chase tók yfir bróðurpartinn af First Republic í byrjun maímánaðar eftir að stýrivaxtahækkun bandaríska Seðlabankans varð banabiti bankans.
Að mati The Wall Street Journal þýðir skipun Erkan að Erdogan ætli að reyna draga úr óhefðbundinni efnahagsstefnu landsins sem hefur fælt erlenda fjárfesta frá landinu.
Erkan er fyrsta konan til að vera skipuð Seðlabankastjóri í Tyrklandi.