Hlutabréfaverð Play lækkaði um 15% á First- North markaðinum í viðskiptum dagsins.
Dagslokagengi Play var í kringum 3 krónur í gær en ein 50 milljón króna viðskipti rétt fyrir lokun markaða í dag ýtti genginu niður í 2,5 krónur.
Gengi flugfélagsins hefur nú lækkað um 40% síðastliðinn mánuð og 68% á árinu.
Hlutabréfaverð Play lækkaði um 15% á First- North markaðinum í viðskiptum dagsins.
Dagslokagengi Play var í kringum 3 krónur í gær en ein 50 milljón króna viðskipti rétt fyrir lokun markaða í dag ýtti genginu niður í 2,5 krónur.
Gengi flugfélagsins hefur nú lækkað um 40% síðastliðinn mánuð og 68% á árinu.
Á aðalmarkaði hækkuðu hlutabréf í Heimum um tæp 2% í 715 milljón króna veltu en gengi fasteignafélagsins hefur nú hækkað um 15% frá miðjum maí.
Langmesta veltan var með bréf Marels en gengi félagsins hreyfðist lítið í 1,2 milljarða króna viðskiptum í dag. Hluthafakosning um valfrjálst yfirtökutilboð JBT í allt hlutafé félagsins hefst á mánudaginn. Dagslokagengi Marels var 500 krónur.
Hlutabréfaverð Kviku banka lækkaði um rúmt 1% í viðskiptum dagsins en gengi bankans hefur nú lækkað um tæp 3% síðustu sjö viðskiptadaga og 14% á árinu. Dagslokagengi bankans var 14,8 krónur.
Úrvalsvísitalan OMXI15 hækkaði um 0,13% og var heildarvelta á markaði 4,8 milljarðar.
