Marel hækkaði í hátt í milljarðs við­skiptum

Hluta­bréf í Marel hækkuðu um 2,11% í Kaup­höllinni í dag í 892 milljón króna við­skiptum.

Hluta­bréf Marel tóku ör­lítið við sér í septem­ber­mánuði eftir að hafa hríð­lækkað í maí eftir árs­hluta­upp­gjör fyrsta árs­fjórðungs. Gengið tók að dala um miðjan síðasta mánuð og náði lág­marki í 377 krónum síðast­liðinn föstu­dag. Dagsloka­gengið í dag var 387 krónur.

Hluta­bréf Iceland Sea­food International héldu á­fram að hækka og fór gengið upp um 1,63% í dag. Hluta­bréf fé­lagsins hafa nú hækkað um tæp 16% síðast­liðinn mánuð.

Uppgjör Ölgerðarinnar á fimmtudaginn

Öl­gerðin hækkaði einnig á markaði og fór gengið upp 1,65% í 63 milljón króna við­skiptum en Öl­gerðin mun birta upp­gjör þriðja árs-fjórðungs á fimmtu­daginn.

Síldar­vinnslan lækkaði mest allra skráðra fé­laga í Kaup­höllinni í dag og fór gengið niður un 2,84% í 46 milljón króna við­skiptum. Gengi Síldar­vinnslunnar hefur lækkað um rúm 6% síðast­liðinn mánuð og 10% á árinu.

Kvika banki lækkaði um 2,37% í 81 milljón króna við­skiptum, Síminn fór niður um 2,21% í 148 milljón króna við­skiptum og Brim lækkaði um tæp 2% í 66 milljón króna við­skiptum.

Hluta­bréf í Arnar­lax hækkuðu um tæp 3% á First North markaðnum í 3 milljón króna við­skiptum.

OMXI 10 úr­vals­vísi­talan lækkaði um 0,24%. Heildar­velta í Kaup-höllinni var 2,5 milljarðar.