Greiningardeild Íslandsbanka gerir ráð fyrir því að verðbólgan muni ekki taka miklum breytingum út árið eftir að hafa hjaðnað hratt síðustu mánuði. Þetta kemur fram nýrri þjóðhagsspá Íslandsbanka í morgun.
Verðbólgan mældist 10,2% í febrúar á þessu ári en 7,7% í ágústmánuði en að mati greiningardeildarinnar eru helstu ástæður þess rólegri íbúðamarkaður og minni innflutt verðbólga.
„Við spáum því að verðbólga verði á svipuðum slóðum út árið en taki að hjaðna hratt í byrjun nýs árs,“ segir í þjóðhagsspánni.
Bankinn gerir einnig ráð fyrir að vaxtahækkunarferli Seðlabankans sé á lokasprettinum og spáð að því ljúki með 9,5% stýrivöxtum fyrir lok ársins.
Greiningardeild Íslandsbanka gerir ráð fyrir því að verðbólgan muni ekki taka miklum breytingum út árið eftir að hafa hjaðnað hratt síðustu mánuði. Þetta kemur fram nýrri þjóðhagsspá Íslandsbanka í morgun.
Verðbólgan mældist 10,2% í febrúar á þessu ári en 7,7% í ágústmánuði en að mati greiningardeildarinnar eru helstu ástæður þess rólegri íbúðamarkaður og minni innflutt verðbólga.
„Við spáum því að verðbólga verði á svipuðum slóðum út árið en taki að hjaðna hratt í byrjun nýs árs,“ segir í þjóðhagsspánni.
Bankinn gerir einnig ráð fyrir að vaxtahækkunarferli Seðlabankans sé á lokasprettinum og spáð að því ljúki með 9,5% stýrivöxtum fyrir lok ársins.
Greiningardeildin gerir jafnframt ráð fyrir 2,2% hagvexti á árinu, sem er talsvert hægari vöxtur en verið hefur.
Munar þar mestu um hægari vöxt einkaneyslu og fjárfestingar. Útflutningsvöxtur vegur hvað þyngst í hagvexti ársins en hlutur innlendrar eftirspurnar verður samkvæmt spánni umtalsvert minni en síðustu tvö ár.
„Meðal helstu óvissuþátta á alþjóðavísu er hvort, og þá hvernig, aukin spenna á milli ýmissa helstu landa heims muni brjótast fram á komandi tíð. Þá gæti verðbólga erlendis reynst þrálátari en vænst er. Innanlands ráði niðurstaða kjaraviðræðna miklu um framhaldið ásamt því hversu mikil endanleg áhrif stóraukins peningalegs aðhalds verða á heimili og fyrirtæki.“
Greiningardeildin bendir á að krónan hafi að mestu verið í styrkingarfasa það sem af er þessu ári en í spánni er gert ráð fyrir að krónan verði um það bil 5% sterkari í lok spátímans en hún var að jafnaði í ágúst síðastliðnum.
„Slík gengisstyrking, ásamt hraðari hækkun launa og meiri verðbólgu hérlendis en í viðskiptalöndum okkar, verður til þess að raungengi krónu hækkar töluvert. Fara því líkur á frekari styrkingu krónu þverrandi eftir því sem tíminn líður og líkur á gengislækkun aukast jafnt og þétt ef laun og verðlag hérlendis hækka áfram umtalsvert hraðar en erlendis,“ segir í spánni.
Helstu tölur úr þjóðhagsspá Íslandsbanka:
- Hagvöxtur – Spáð er 2,2% hagvexti árið 2023, 2,6% 2024 og 3,0% 2025.
- Utanríkisviðskipti – Útflutningur eykst um 6,8% í ár og innflutningur um 4,9%.
- Verðbólga – 8,7% verðbólga að meðaltali 2023, 5,4% árið 2024 og 3,7% árið 2025.
- Vinnumarkaður – 3,2% meðaltalsatvinnuleysi í ár, 3,8% 2024 og 4,0% 2025.
- Vextir – Stýrivextir ná líklega hámarki í 9,5% fyrir árslok og verða við 6,0% undir lok spátímans.
- Krónan – Krónan verði um 5% sterkari við lok spátímans en hún var í ágúst 2023.
