Úrvalsvísitalan OMXI 10 hækkaði um 5,1% í nóvember. Heildarviðskipti með hlutabréf í mánuðinum námu 62,5 milljörðum eða 2.839 milljónum á dag.
Mun það vera 22% hækkun frá fyrri mánuði, en í október námu viðskipti með hlutabréf 2.336 milljónum á dag.
Milli ára drógust viðskipti saman um 27% en viðskipti í nóvember 2022 námu 3.900 milljónum á dag. Þetta kemur fram í mánaðaryfirliti Nasdaq Nordic.
Mest viðskipti í mánuðinum voru með bréf Marel, 11,8 milljarðar. Næstmesta velta var með bréf Arion banka sem nam 7,1 milljarði. Velta með bréf Kviku banka nam 6 milljörðum, Icelandair 4,4 milljörðum og Alvotech 3,4 milljörðum.
Heildarfjöldi viðskipta með hlutabréf í nóvember voru 7.909 talsins eða 360 að jafnaði á dag. Það er 37% hækkun frá fyrri mánuði, en í október voru viðskipti með hlutabréf 263 að jafnaði á dag.
Milli ára dróst fjöldi viðskipta saman um 18% í nóvember 2022 voru viðskipti með hlutabréf 441 að jafnaði á dag.
Flest viðskipti í mánuðinum voru með bréf Marel, 1.438, Icelandair Group, 1.419, Alvotech, 625, Arion Banki 499 og Íslandsbanka 453.
Á Aðalmarkaði var Arion Banki með mestu hlutdeildina, 17,8%, Fossar fjárfestingarbanki með 17,4% og þar á eftir Acro Verðbréf með 15,51%.
Í lok október voru hlutabréf 30 félaga skráð á Aðalmarkað og Nasdaq First North vaxtarmarkaðinn á Íslandi. Nam heildarmarkaðsvirði skráðra félaga 2.318 milljörðum króna í lok mánaðarins, samanborið við 2.219 milljarða í lok október.
