Kia hlaut samanlagt fleiri verðlaun í APEAL-rannsókn og IQS-rannsókn J.D. Power í Bandaríkjunum árið 2023 en nokkurt annað vörumerki hefur hlotið á einu ári.
Bílarnir EV6, Telluride, Forte, Carnival, Stinger, K5 og Rio fengu allir verðlaun sem bestu bílar í flokki sambærilegra bíla. Aldrei hefur einn bílaframleiðandi fengið fleiri verðlaun í 28 ára sögu APEAL-rannsóknarinnar. Í síðasta mánuði hlaut Kia einnig flest verðlaun í IQS-rannsókn (Initial Quality Study) J.D. Power árið 2023.
Kia hlaut samanlagt fleiri verðlaun í APEAL-rannsókn og IQS-rannsókn J.D. Power í Bandaríkjunum árið 2023 en nokkurt annað vörumerki hefur hlotið á einu ári.
Bílarnir EV6, Telluride, Forte, Carnival, Stinger, K5 og Rio fengu allir verðlaun sem bestu bílar í flokki sambærilegra bíla. Aldrei hefur einn bílaframleiðandi fengið fleiri verðlaun í 28 ára sögu APEAL-rannsóknarinnar. Í síðasta mánuði hlaut Kia einnig flest verðlaun í IQS-rannsókn (Initial Quality Study) J.D. Power árið 2023.
Annað árið í röð voru þrjár gerðir Kia í efsta sæti í sínum flokki, þar á meðal Kia EV6-rafbíllinn (eftirsóknarverðasti fyrirferðalitli SUV-bíllinn); Carnival (eftirsóknarverðasti fjölnotabíllinn) og K5 (eftirsóknarverðasti bíllinn í flokki meðalstórra bíla). Að auki voru fjórar aðrar gerðir Kia í efsta sæti í sínum flokki, þar á meðal Telluride (eftirsóknarverðasti stóri SUV-bíllinn); Forte (eftirsóknarverðasti fyrirferðalitli bíllinn); Rio (eftirsóknarverðasti smábíllinn) og Stinger (eftirsóknarverðasti lúxusbíllinn í millistærð). Allar sjö gerðirnar voru efstar í sínum flokki þegar kom að upplifun og ánægju ökumanna í APEAL-rannsókn J.D. Power árið 2023.
„Sem mest verðlaunaða vörumerkið hjá J.D. Power, í bæði APEAL- og IQS-rannsóknunum, árið 2023 hefur Kia sýnt að við erum ekki aðeins leiðandi í hefðbundnum bílum heldur einnig þegar kemur að rafvæðingu. Bílar okkar skila gæðum, áreiðanleika og tækni sem neytendur sækjast eftir og APEAL-rannsókn J.D. Power í Bandaríkjunum árið 2023 sýnir áherslu okkar á að bjóða upp á rétta blöndu af búnaði og eiginleikum í mörgum gerðum,“ segir Steven Center, rekstrarstjóri og aðstoðarframkvæmdastjóri hjá Kia America.
APEAL-rannsóknin í Bandaríkjunum árið 2023 byggir á svörum frá 84.555 eigendum bíla af árgerð 2023 sem haft var samband við eftir að viðkomandi einstaklingar höfðu átt bílinn sinn í 90 daga. Rannsóknin var framkvæmd frá febrúar til maí 2023 og byggði á bílum sem voru skráðir milli nóvember 2022 og febrúar 2023.
