Como vatn er einn af fallegustu stöðunum á Ítalíu. Þeir eru reyndar óskaplega margir, fallegustu staðirnir á Ítalíu. Vatnið er lítið, 37 ferkílómetrar að stærð og aðeins um tíundi hluti Garda vatns, sem er einmitt líka einn af fallegustu stöðunum á Ítalíu.

Veðrið er þokkalegt frá apríl en hitastigið er ekki orðið öruggt fyrr en í maí. September er að jafnaði góður en október er aðeins meira hættuspil. Sumarið er frekar milt en hitinn er hæstur 26 gráður í júlí – að meðaltali. Vatnið er í aðeins í 41 mínútna fjarlægð frá Mílanó ef ferðast er með lest og um 45 mínútna akstursfjarlægð frá Malpensa flugvellinum sem Icelandair og Easy Jet lenda á.